ԱՆՎՏԱՆԳ ԾՆՈՒՆԴ

Սա մի հարթակ է, որտեղ ավարտվում է տարիների լռությունը։ Մենք հավաքում ենք կանանց, հայրիկների և բուժաշխատողների անկեղծ հիշողությունները՝ փորձելով վեր հանել համակարգում առկա հաղորդակցման և բարեվարքության խնդիրները։ Մեր նպատակն է ոլորտի որոշում կայացնողներին և քաղաքականություն մշակողներին օգնել բացահայտել այն խնդիրները, որոնց մասին հասարակության մեջ ընդունված չէր խոսել, բայց որոնց բարձրաձայնումն այսօր կենսական է համակարգի արդյունավետ բարեփոխման համար։

• Գաղտնիություն. մենք չենք բացահայտում կոնկրետ անձանց կամ հիվանդանոցների անուններ։ Մեր նպատակը «վհուկների որսը» չէ, այլ խնդրի իրական մասշտաբների քարտեզագրումը։
• Երկխոսություն. մենք հավատում ենք, որ բաց քննարկումները կարող են նպաստել կառուցողական միջավայրի ձևավորմանը և օգնել համակարգային լուծումների մեկնարկին։
• Լուծումների մշակում. մենք նպատակ ունենք այս պատմությունների հիման վրա, մասնագետների հետ համատեղ, մշակել բարեվարքության կանոններ և համակարգային բարեփոխումների առաջարկներ՝ ներկայացնելով դրանք ոլորտի որոշում կայացնողներին։

Խնդիրների վերհանման միջոցով այս հարթակը նպաստում է արմատական փոփոխություններին և առողջ երկխոսության ձևավորմանը։ Մենք հավատում ենք, որ բաց քննարկումներն ունակ են փոխել համակարգը։

Նախագիծը ստեղծվել է Ժողովրդավարության զարգացման հիմնադրամի աջակցությամբ և «Sigrid Rausing Trust» հիմնադրամի ֆինանսական օժանդակությամբ։ Բովանդակության համար պատասխանատվությունը կրում է հեղինակը/կազմակերպությունը, և այն կարող է չհամընկնել ԺԶՀ-ի կամ «Sigrid Rausing Trust»-ի տեսակետների հետ: